ألفن ّ و الأدب فی الفلاحیّه

الشعر و الادب فی الفلاحیه

الشاعر عبدالمهدی النعیماوی

الشاعر عبدالمهدي ارزيج نعيماوي: شاعر شعبي من شعراء خوزستان، من عشيرة عساكرة بني كعب ولد عام 1347 هجري شمسي في قرية آلبونعيم توابع مدينة. درس الأبتدائية في نفس القرية. و دخل العسكرية في سنة 66 شمسي (ايام الحرب المفروضة) و بعدذلك اشتغل بالفلاحة في القرية، ثم بعد نهاية الحرب، توظف في سنة 1376 شمسي ببلدیة مدینة خرمشهر (المحمرة) کموظف عادي فانتقل مع العائله الی مدینة المحمرة و أكمل دراسة في مرحلة المتوسطة في اثناء العمل. كان والده شاعر و فنان في الزمن حكومت البهلوي و له اخوة شعراء و هم الملا غلامرضا و هادي و كان لهم الأثر البالغ في صيقل موهبته الشعرية و مال الى نظم الشعر من مبكر عمره و هو سن السابعة عشر من العمر و بدء مشواره الادبي في القریة و ذلك بنظم مقطوعات من الشعر الفكاهي المحدود. کان یحضر جلسات شعراء القریة يحضرها  المرحوم ملا احمد النعیماوي و المرحوم مهدي نعیماوي و العم غالب نعیماوي و سید فجر آلبوشوکه و غيرهم من شعراء الفلاحية. تعلم اكثر اوزان الشعر و القوافي من الاستاد الشاعر حسن عاشور القنواتي كان لمدينة المحمرة بصمة مثبة في تنمية حیث لاقی في هذه المدینة مجال شعر واسع کمهرجانات في الموالید وغیرها. كتب في بعض الاوزان منها  القصیدة و الابوذیة و الهات و الميمر و الموال و الهوسات والغزل.

من شعره:

فوحه البابونک

یمعود عله هونک مو گلنه عله هونک***تسبی الخلگ من تفوت لحظه وتشبح اعیونک

عله هونک یمن بلعین شلیت الجسم کله***ولجلک صفت کل اعضای عضو ابعضو محتله

جله الخالقک یازین ایوالله والف جله***بهواک اشکثر جنیت وآنه اصبحت  مجنونک

بهواک اشکثر جنت ناس طا حت بلهوه والشوگ***یلحالی وعسل طبعک للراید حلاک ایضوگ

حنینک طبع ماینزاح منک حیث بیک ایلوگ***ولا شوفن  یلوگ  الغیر  لولذه   اله   بدونک

ابدونک  ما اله   لذه   یالذه   ابطم   گنطار***یلطولک محطه تیل  دایم تجذب الانظار

الراد ایوصفک جن بیک ظل ابکل کتر محتار***ربیع و خصب کلک یافوحه البابونک

یافوحه طیاب الگاع مثل السدر وگرنفل***طبیعی من طلع علگاع طیبه الکل کتر ینگل

تتنشگ ابطوره الناس طبعی الکل الم منخل***یشفه الشمهن عطورک چیف اللی نظر لونک

لونک لون المرایات لونک شمس لااکثر***لویوسف یشوفک چان بلحسرات ظل یعثر

المدقق جمالک هیچ یدری بیک ماتنقر *** خیعونه جمال البیک وانته علیه خیعونک

انته عین الک دنیه تشیل الناس بلدقه ***انته ابگلبک الصافی جنیت الطیب والرقه

انته الطاح بشواگک یجن وهاذ من حقه***انته اشلون اگول انته کل الناس یردونک

الابوذية

يشيعي اليوم دلالك وجعبي***مثل ماحيدرك راسه وجعبي

عطش حيدر ابشهرالله وجعبي***وضربت هامته أعظم قضيه

*********

ابوسط حظن المظایف تربتهلی***وبیابیهم محنه تربتهلی

من     تربه      الجنه  تربتهلی***السبب هاذه اتسمت یعربیه

علیه ابشوگ خلانی قضیتی***یادنیه والبصر عنی قضیتی

قضیه ماتصح تشبه قضیتی***ابنویه انه تره وخلی ابنویه

**************

حبل الخوه  للخوان  ربعه***والهم خلی بلدیوان ربعه

زلمه الزین کل الناس ربعه***علم ثابت یظل فوگ الوطیه

************

لحسین ابحضرته امن اتطوف حییٌت***واذا میٌت ابذنبک رحت حییٌت

یلی ابدمعک بابو السجاد حییٌت***یسجلٌک أجــــــــــر رب البریٌة

************

تـــــــضل للأبد بیٌه ویعلحسین***ودلیلی ابنار شوگه ویعلحسین

زینب یوم صرخت ویعلحسین***بچه دم السمه الهای القضیٌة

**************

اونن مو عله اهلی لاعلحسین***وحتٌه الصخر مثلی لاعلحسین

حدر الگاع ما ضل لاعلحسین***ابسابع سما ابـــــــجنٌات الزهیٌة

**************

ابصدری امکسره یحسین عبره***علیک و تـــضل للدلٌال عبره

کرامه انته وبحر للجود عبره***صعب یا شمس ظهر الهاشمیٌه

**************

انطش عطر الولایه بالولایه***ونــزل جبریل بشٌر بالولایه

ولی الله وخلیفه بالولایه***انزلت عند النبی حیدر وصیٌه

************

الظلم یبن الحسن حاکم علملاک***وانـته ابکل قضایانه علملاک

یمته ایرف عله الدنیه علملاک***او تحته انعیش عیشه ابلا اذیٌه

************

انولد عباس و الخوٌة ولدها......اوفرحت فاطمه ابناصر ولدها

سبع الگنطره ابزغره ولدها ...ابچفینه  فــــــــزع بالغاضریٌة

*************

ذهب حبٌی الهواک الغیر مذهب***حن گلبی العطر طرواک مذهب

للشیعه یمن أسست مذهب***فخر نـــــــتسٌمه بسمک جعفریٌة

**************

الگلب یهواک یالساجد ولکصب***دمع الشوگ الک یجری ولکصب

امصابک نحٌل اعظامی ولکصب***سهم غربه ابدلیلی و عمل بیٌـــــــه

************

سهم الشوم یوم الٌی شلحسین***وگع عالگاع ما واحد شلحسین

ابقضیة الطف إذا تدری شلحسین***یعلٌی الدین قصده و های هیٌه

***********

چوماهی در سیاهی گشتی تابان***تابانی ونامت خوبه تابان

کشیدم انتظارت سخت تابان ***ولی آبان شد مثل بقیه

**************************************

الهات

منيهل عشاگ شهرك منيهل***وننطر اهلالك ابلهفه منيهل

أمعطر ابعطر الجلاله منيهل ***الباري رحمه انته يشهر المغفرات

**********

انتظر جیت حبیبی بسمته***انتظر تشفی دلیلی بسمته

بسمته ایصیر الاریده بسمته***های الی اجمل منه بلامنیات

************

هاک حبل الود للیود ربعه***وگلبک ابشوگ الامجاد ربعه

من تطب دیوان جدمک ربعه***وحچی ابسوالف حقیقه امربعات

************

ماتنام اجروح   بیه   عامله***اشلون تغفه ونار گلبی عامله

طری حزنی حته لو مر عامله ***حزنی وجروحی سویه عاملات

**************************

الميمر

ياوطن ياواحة علم يامهدي***يتراب لحدي وكل هلي يامهدي

يمته يرف فوگک علم يامهدي***ومن مكه حدبيت القدس تتحرر

***********

یلقصدگ اتزور الوطن زور اهلی***وسلم عله بردی وگصب زور اهلی

ادری    بعده   مایطخ   زوراهلی***وادری ابشلبهم دکه حظن عنبر

**************

ون بیه یا جرح الزمن ونبیه***موآنه خضر من الم  ونبیه

البطران ینشدنی الفرح وننبیه***افرح وآنه بلحزن اتعثر

**************

شی حطو احباب الگلب شیشالو***شی فتگو اجروح الگلب شیشالو

شی حملو تعب الگلب  شیشالو***شی بلگلب رحبو شی تقهر

*************************

العتابة

هلی یا نخوه المظلوم منصاح     کلواحد البیهم مرد منصاح

مثلهم عله اچتاف الگاع منصاح   جرح دیرتنه چاسومر وطاب

*************

هلی ابحد المحن والضیج بتار    لرگاب الاعادی ابعزم بتار

اذا   کلکلن  یوم    الفزع بتار    نخوتهم تخمد صوت الاطواب

*************************

الموال

مارید خل الذی وسط الگلب ونحط

ولاعنه انشدبعد منشال اهو  ونحط

اسئل وارید الذی شال الحمل وانحط

ابحملی ویگلی بعد حملک علی خلی

ومن گتله حملک ثگل گلی انته موخلی

گتله انه خلک نعم وانته صدگ خلی

وبیت الاخوه انبنه وی هیچ خل وانحط

*************************

الومضة

ومضه للوالده

شایل شارت امی ابعینی***ولو خالفهه اتضرنی الشاره

وصتنی     لتخالف امک***عگب امک ماعندک اچاره

امی اشگد وصتنی اعله امی***بالک امک تبقی محتاره

امی الگاع وامی الغیره***والدنیه الحلوه الدواره

الجنه و مفتاح البلجنه***وللباری سر امن سراره

*********************

الهوسة

الابو خیمه البیت  گالو والاخو احزام الظهر

احزام ظهرک لاتحله ایفید لودهرک سطر

فوگ تتعله اباخوتک اعله فوگ امنلگمر

یل عالی اتضل دوم ابهیبه

************

العزم منراد یتخیل اتخیل ابراس الشهم

والشهم من شاله عزمه تخیل اخیول العزم

الشجاعه اترید راعی من تدش بین الزلم

راعیهه الروح  ایضحیهه

*****************************
+ نوشته شده در  سه شنبه یکم فروردین 1391ساعت 0:36  توسط علی ثانی  |